Informatikari euskaldunak Donostian bilduko dira

Informatikari euskaldunak/
Informatikari euskaldunak

Burujabetza Teknologikoa izango da maiatzaren 17an egingo den informatika eta euskararen inguruko bilkurako gaia

DV

Teknologiaren arloko burujabetzaren inguruko eztabaida sustatzeko Bilkura antolatu dute Donostian maiatzaren 17an eta Burujabetza Teknologikoa izango da aurtengo gaia. Arretaguneak askotarikoak dira, baina jendarteak dituen erronka oinarrizkoenei heldu nahi diete: zein komunikazio-azpiegitura behar diren, parte-hartze digitalerako tresnak, hezkuntza-sistemarako egokiak diren eduki eta teknologien planteamenduak, hizkuntza-industriarako estrategiak, garapen ekonomikoaren ereduari lotutako apustu teknologikoa, segurtasuna, pribatutasuna, arlo etikoak…

Informatikari euskaldunen bilkura izanik, gai horietaz ez ezik, informatikan euskaraz jarduteak berezko dituen bestelako gorabeherek ere izango dute lekua komunikazio-saioan. Ohi bezala, izandako esperientzien eta garatutako softwarearen berri ematea dute asmoa.

Parte hartu nahi izanez gero, honako hau bidali behar da beheko helbidera: Izenburua edo produktuaren izena, egileen izen-deiturak, orrialde beteko laburpen bat (PDF edo testu soila), harremanetarako helbidea eta posta elektronikoa zein telefonoa.

Laburpenak bidaltzeko azken eguna otsailaren 14a izango da, eta onarpena hilaren 21ean jakinaraziko zaie. a.arruarte@ehu.eus da eskuragarri jarri duten helbidea.

Temas

Euskera

Contenido Patrocinado

Fotos

Vídeos