EuskarAbentura egitasmoa sortu dute, hilabeteko espedizioa Euskal Herrian barrena

EuskarAbentura egitasmoa sortu dute, hilabeteko espedizioa Euskal Herrian barrena

16 eta 17 urteko 120 gaztek aukera izango dute Santimamiñeko kobazuloak, Ekaingo leizeak, Bizkaiko zubia, Baiona eta Kantauriar kostaldea zeharkatzeko, besteak beste

DV

'EuskarAbentura' espedizioa antolatu dute gazte euskaldunentzat. Euskal Herriko zazpi lurraldeak zeharkatuko dituzte, Munduko Ondare izendatutako lekuak hain zuzen, 16 eta 17 urteko (2001 edo 2002 urtean jaiotakoak) 120 gazterekin, Done Jakue bideak jarraituz. 'EuskarAbentura' izena jarri diote egitasmoari, euskararen erabilera sustatzea baita ekimenaren muina. Horregatik, doakoa izango da parte hartzea, "euskaraz dakien edozein gaztek parte hartu ahal izateko, edozein duelarik jatorria".

Irati Labaien eta Iker Goñik aurkeztu dute, antolakuntzaren izenean, ekimena. "Gauzak deskubritzeko momentua eta heldutasunean definituko gaituzten esperientziak euskaraz bizi ahal izateko aukera" eman nahi dutela azaldu dute. Uztailaren lehenengo egunean abiatuko da espedizioa, Done Jakue bidearen ibilbide frantsesa abiatzen den puntutik, Donibane Garazi eta Iruñetik igaro eta Vianaraino. Santimamiñeko kobazuloak, Ekaingo leizeak, Bizkaiko zubia, Baiona eta Kantauriar kostaldea zeharkatuko dituzte besteak beste.

Parte hartu ahal izateko, motibazio gutuna bidali beharko dute hautagaiek euskarabentura.eus webgunera martxoaren 18a baino lehen, honako gai hauen inguruan: Euskara eta zure herria, euskara eta itsasoa eta euskara eta emakumeak. Proiektuak hautazko bost formatu hauetan aurkez daitezke. Historikoa, literarioa, plastikoa, musikala eta ikus-entzunezkoa. "Talentu ezberdinetako gazteak" erakarri nahi dituzte horrela.

Apirilaren 16an ezagutaraziko dituzte hautatutako gazteak. Euskal herritar zein diasporakoek hartu dezakete parte.

Temas

Euskera

Contenido Patrocinado

Fotos

Vídeos