Esne Bankuaren onuradunen artean amarengandik elikagai gutxiegi jasotzen duten haurrak sartzea proposatu du EGABek

Haurtxo goiztiarrak dira bankuaren onuradun nagusietakoak./REUTERS
Haurtxo goiztiarrak dira bankuaren onuradun nagusietakoak. / REUTERS

Oro har, kontsulta organoak egokitzat jo du bankua sortzeko dekretu proiektua, "are gehiago, bankua jada sortua dagoela kontuan hartuta"

Iazko urriaz geroztik du Euskadiko Autonomia Erkidegoak Ama Esnearen Banku bat. Galdakaon dago, eta Donostia, Basurto, Gurutzeta eta Txagorritxu ospitaleen beharrak asetzea du helburu. Izan ere, bankuko esnea ematen zaie nagusiki haurtxo goiztiarrei, pisu txikia edo gaixotasun jakin batzuk dituztenei eta beren amek bularra eman ezin dietenei.

Bankua sortzeko dekretuak, ordea, ez du oraindik bidea osatu, eta astearte hontan zabaldu du Euskadiko Ekonomia eta Gizarte Arazoetarako Batzordeak (EGAB) 'Euskadiko giza esnearen bankua sortzeko dekretu proiektuari buruzko' irizpena.

Proiektuak, EGABek bere oharrean gogoratu bezala, gizakiaren esnea emateko arautegi esparrua xedatzen du, honako printzipio hauek oinarri hartuta: "borondatez ematea, emate altruista izatea, emaileen eta hartzaileen anonimotasuna mantentzea eta esklusiboki preskribapen medikopean banatzea, osasun berme guztiekin".

Euskadiko Ekonomia eta Gizarte Arazoetarako Batzordearen iritziz, egokia da hurrengoak arautzen dituen dekretu proiektua izapidetzea: "batetik, Euskadiko Giza Esnearen Bankua sortzea eta, bestetik, beren seme-alabek erabil dezaten edo beste batzuentzat eman dezaten amaren esnea lortu, atera, prozesatu, banatu eta administratzeko baldintzak zehaztea", kontsulta organo honek egin dituen gogoetekin. Kontsultatzen den agiria Eusko Jaurlaritzako Osasun Sailak bidali du.

Euskadiko EGABk arau honen aukera eta ezinbestekotasuna partekatzen ditu eta, ondorioz, positiboki balioztatzen du, "are gehiago, bankua jada sortua dagoela kontuan hartuta". Beraz, ados ageri da Osakidetzak Esne Bankua kudeatzearekin, "funtsezkoa baita irabazi asmorik ez sorraraztea". Hala eta guztiz ere, aurrekontuari buruzko aurreikuspenak ez dira nahikoa ziurtatu eta "araua aplikatzea arriskuan legoke".

Arauaren helburua, alde batetik, zerbitzu publiko modura Bankuaren funtzionamendua arautzea eta, bestalde, amaren edoskitzea sustatzea izan arren, irizpenak azaldutakoaren arabera, bigarren arloak "dekretuaren manuetan edukirik ez du"; hortaz, eremu horretan ekintza zehatzak garatzea edo xede horrez beste araudi bat egitea eskatzen du. Azkenik, EGABk Esne Bankuaren talde onuradunetan "ama biologikoaren eskutik elikagai gutxiegi jasotzen duten bularreko haurrak sartzea2 proposatu du. Halaber, "amek emandako esnea haurrek lortzeko patologiak eranskin batean zehaztu beharko lirateke", EGABek ustez.

Temas

Euskera

Contenido Patrocinado

Fotos

Vídeos