Diario Vasco

Lanbide Heziketako ikasleen Eramus esperientzia

  • HETELeko 105 ikasle ari dira praktikak egiten Europako hamar herrialdetako hainbat enpresatan

HETEL Euskadiko Ekimen Sozialeko Lanbide Heziketako Zentroen Elkarteko 105 ikasle Europako hamar herrialdetan daude enpresetan praktikak egiten, Erasmus+ programari esker. Erdi eta goi mailako heziketa zikloetako bigarren mailako ikasleak dira, eta Europako puntako enpresetan jarraituko dute ekainera arte. 105 ikasleetatik 44 Bizkaikoak dira, 36 Gipuzkoakoak eta 25 Arabakoak. Emakumeak, berriz, 23 dira.

HETELek jakinarazi duenez, gero eta ohikoagoa da ikasleak atzerrira joatea, eta hainbat arrazoirengatik egiten dute: xede herrialdeko hizkuntza hobetzeko, curriculuma zabaltzeko eta, azkenaldian, praktikak egiten diren enpresan enplegu aukera bat bilatzeko. Gainera, gero eta Euskadiko enpresa gehiago ari dira nazioarteko bihurtzen, eta beraz, euskal enpresetako teknikariek eta profesionalek bidaiatzeko prest egon behar dute.

Horrela, Europako zenbait herrialdetako enpresetan praktikak egiten dira, hala nola Italiako, Holandako, Irlandako, Frantziako, Alemaniako, Txekiar Errepublikako, Erresuma Batuako eta Poloniako enpresetan. Gaur egun, ikasleek honako enpresa eta erakunde hauetan egiten dituzte praktikak, besteak beste: Krakoviako Eskualdeko Albaitarien Inspekzio Agentzian (Wojewodzki Inspektorat Weterynarii), Eindhovengo PANalitycalen, Irlandako Limerick Unibertsitatean edo Milango Officina Meccanica GRISI s.r.l.n. Praktikak amaitzean, enpresa eta erakunde horien %20k lan kontratua eskaintzen diete ikasleei, eta haietako batzuek onartu egiten dute.

HETEL duela hamar urte baino gehiago hasi zen ekimen honetan aktiboki parte hartzen. Ekimena Erasmus+ mugikortasun programen baitan dago (goi mailako heziketa zikloetako ikasleentzat). Praktikak egitera atzerrira joan diren Lanbide Heziketako gazteak erdi eta goi mailako heziketa zikloetako bigarren mailako ikasleak dira, 18 eta 21 urte inguru dituzte, eta martxoa eta ekaina bitartean egingo dituzte lan praktikak.

Ildo horretan, HETELek, berrikuntzarako joera duen aldetik eta nazioartekotzea aintzat hartzen duenez, programa horietan parte hartzeko aukera ematen die bere zentroetako ikasleei, prestakuntza Europara ireki dadin sustatze aldera. Halaber, ikasleek hizkuntza gaitasunak garatu, konfiantza gehitu, adaptazio gaitasuna eta lantaldean aritzeko ohitura areagotu eta prestakuntza enpresen beharretara egokitu dezakete, gero eta globalizatuago dagoen merkatuan.

Mugikortasun horiek La Caixaren baterako finantzaketa dute, HETELen eta La Caixaren hitzarmenaren barruan. Izan ere, gazteen nazioartekotzearen aldeko apustua oso alderdi nabarmena da hitzarmen horretan.

Temas

Recibe nuestras newsletters en tu email

Apúntate