EAEk bi ordezkari izango ditu First Lego Leaguen Europako finalean

EAEk ordezkaritza zabala izan du Estatu mailako finalean.. /
EAEk ordezkaritza zabala izan du Estatu mailako finalean..

Gasteizko eta Portugaleteko talde bana sailkatu dira Estonian jokatuko den finalerako. Logroñon jokatu den Espainiako Estatu mailakoan, berriz, Donostiako Axular Lizeoa izan da Gipuzkoak izan duen ordezkari bakarra

EAEko lau taldek -Donostiako Axular Lizeoak, Gasteizko Urkide Ikastetxeak, Arabako Tecnoclub Elburgokoak eta Portugaleteko Santa Maria Ikastetxeak- hartu dute parte asteburuan Logroñon jokatu den First Lego League-ko Espainiako finalean, eta horietako bik izango dute Europako finalean parte hartzeko aukera: Inspirazio Saria irabazi duen Arabako Tecnoclub Elburgoko ikasleen taldeak eta Portugaleteko Santa María Ikastetxeko Edurobotic taldeak, Errobotaren Programazioko bigarren saria jaso dutelako. Nafarroako FS Ingenium, Kanarietako Aldeatron Robotix eta Sevillako Tecno San José lehenengo, bigarren eta hirugarren Saria jaso dute, hurrenez hurren. Horiek ere izango dira, jakina, aurten Tallinen (Estonia) izango den Open European Championshipen.

First Lego League zientzia- eta teknologia-lehiaketa da, 6 eta 16 urte arteko ikasleentzat; bertan zientzia-proiektu bat aurkezten da, eta robot bat diseinatzen eta programatzen da; Euskadin Innobasque-Berrikuntzaren Euskal Agentziak sustatzen du lehiaketa hau. "Euskal gazteen artean zientzia- eta teknologia-prestakuntzarako interes txikia aurkitu zuelako" sustatzen du ekimen hau Berrikuntzaren Euskal Agentziak, Espainiako finalaren berri emateko zabaldu duten oharrean gogoratu dutenez. Horrenbestez, "Innobasquek ikasleen interesa sustatu nahi du karrera teknikoei, mundu digitalari eta balioetan hezteari dagokienez".

Liga honetan parte hartu duten taldeek aurten izan duten erronka uraren giza zikloa izan da, eta horri zientzia-proiektu baten bidez eta robot bat diseinatu eta programatuz egin diote aurre.

Axular Lizeoak, adibidez, txorimalo adimenduna asmatu du, ezkutuan meteorologia-estazioa daukana, zenbait aldagai neurtzeko gai dena eta ortu edo baratzeak ura behar duenean abisua gailu mugikor batera bidaltzen duena. Euri-ura erabiltzen da, eta ikastolako jangelan edateko atera eta soberan geratutakoa.

Temas

Euskera

Contenido Patrocinado

Fotos

Vídeos