Lau beka ikerketa talde batean master proiektua egiteko

Ikasleek irailaren 10erako bidali behar dute hautagaitza
Ikasleek irailaren 10erako bidali behar dute hautagaitza / Usoz

NanoGUNEk eskainiko ditu fisika, kimika, biologia, materialen zientzia eta nanoteknologiako ikasleentzako

El Diario Vasco
EL DIARIO VASCODonostia

Donostiako nanoGUNE ikerketa zentro kooperatiboak master ikasleak hautatzeko deialdiak zabaldu ditu, zentroaren hamar ikerketa taldeetako batean proiektua egin dezaten, eta lau beka eskainiko ditu. Nanozientziaren eta nanoteknologiaren hainbat arlotan espezializatzeko aukera izango dute ikasleek, hala nola nanooptikan, nanomaterialen alorrean zein aplikazio biomedikoetara bideratutako nanoingeniaritzan.

Horretarako, zentro donostiarrak jakinarazi duenez, fisika, kimika, biologia, materialen zientzia eta nanoteknologiako ikasleentzako lau beka eskainiko ditu, bere ikerketa taldeetan proiektua egiteko aukeratzen diren ikasleei zuzenduta. Ikasleek master ofizial batean izena emanda egon behar dute, eta irailaren 10erako bidali behar dute hautagaitza nanoGUNEra.

Donostiako nanoGUNE ikerketa zentro kooperatiboa nanozientzian eta nanoteknologian bikaintasuneko ikerketa egiteko xedearekoin sortu zen, Euskal Herriaren hazkunde ekonomikoa eta lehiakortasuna areagotzeko.

Temas

Euskera

Fotos

Vídeos