Bizkaiko olatuen energia kaptadorea, Europan itsasoko proben urtebeteko muga gainditu duen lehena

Marmoka-5 buia Armintzako kostaldearen parean dago/Energiaren Euskal Erakundea
Marmoka-5 buia Armintzako kostaldearen parean dago / Energiaren Euskal Erakundea

Olatuen mugimendua aprobetxatzen du Marmoka-5 buiak, airea turbinatu eta elektrizitatea ekoizteko

DV

BiMEP Armintzako (Lemoiz, Bizkaia) kostaldearen parean dagoen itsas energien plataforman instalatuta dagoen olatuen energia kaptadorea da. 12 hilabeteko probaldia gainditu berri du egiazko itsaso baldintzetan. OWC izeneko teknologia duen Estatuan instalatutako eta konektatutako lehen dispositibo flotatzailea da, eta elektrizitatea sortuz Europan itsasoko proben urtebeteko muga gainditu duen lehena, Energiaren Euskal Erakundeak jakinarazi duenez.

Olatuen energia kaptadorea Oceantec Enegías Marinas euskal enpresak diseinatu du, eta buia forma duen eta sare elektriko orokorrera konektatutako prototipo bat da. Garapen teknologikoko euskal enpresak duen gaitasuna baliozkotzea ahalbidetu dute proba hauek, beste iturri alternatibo batzuekin alderatuta epe ertainean energia sortzeko kostu lehiakor batekin.

Hurrengo helburua merkatuko nitxoan sartzea izango da, energia defizita duten kokalekuetara bideratuz berbera (uharteak edo kostaldeko gune isolatuak, adibidez), baita itsas instalazio isolatuetara ere (piszifaktoriak, petrolio plataformak). Epe luzera, dispositibo hauek egiazko alternatiba izango direla aurreikusten dute. Gainera, bateragarriak dira itsas parke eoliko flotatzaileetan, itsas korronteetan eta abarretan instalatuak izateko.

Zehatzago esanda, Marmoka-5 deitzen da buia. Altzairuzko dispositibo bat da, eta olatuen mugimenduaren bidez energia sortzeko ekipamendu mekaniko eta elektriko guztia biltzen du. 42 metroko luzera eta 5 metroko diametroa du, 30 tonako pisuarekin, eta ia osorik urpean dago, buru flotatzailea izan ezik. OWC teknologiaren bidez sortzen du energia. Teknologia horrek olatuen mugimendua aprobetxatzen du airea turbinatu eta elektrizitatea ekoizteko.

Temas

Euskera

Contenido Patrocinado

Fotos

Vídeos