Ameskoako Artzainen Eguna, urriaren 8an

Ricardo Remiroren artaldea, artxiboko irudian / Arizmendi

Eulaten egingo da, hainbat gaztandegi dauden herrian

Ameskoako Artzainen Eguna ospatuko da urriaren 8an Eulaten. Artzaintzari lotutako zenbait artisau ikusi ahal izango dira, eta bertako artzainen gaztak dastatu eta erosi.

Herri-bazkari batekin itxiko dute eguna, Alai tabernan, eta bertan izena emateko azken eguna larunbat hau izango da, hilak 30.

Artzainak eurak jardun dira antolaketan, Limitaciones mendiko batzarrak eta Eulateko udalak lagunduta. Kontuan izan behar da sei gaztagile daudela Eulaten, eta biztanleak 400 baino gutxixeago direla. Euskal Herrian horrelako herri gutxi egongo dira.

Hauek dira Eulateko artzain gaztagileak: Ricardo Remiro –Ordiziako lehen saria behin baino gehiagotan irabazitakoa–, Ruiz de Larramendi anai-arrebak (Monika eta Patxi), Carlos Aramendia, Felipe Agirre, Victoriano Agirre eta Gregorio Agirre. Azkeneko hirurok anaiak dira eta bakoiztak bere gaztandegia dauka.

Urbasan bada mendi zati bat, Limitaciones izenekoa, non Ameskoako artzainek bakarrik sar ditzaketen beren artaldeak.

Temas

Euskera

Fotos

Vídeos