Diario Vasco

34 euskal upategi Düsseldorf hiriko nazioarteko azokan

Gastronomia, ostalaritza, txikizkako zein handizkako komertzio eta elaborazioaren sektoreko bisitari espezializatuentzako azoka da
Gastronomia, ostalaritza, txikizkako zein handizkako komertzio eta elaborazioaren sektoreko bisitari espezializatuentzako azoka da
  • Alemania euskal upategiek gehien esportatzen duen Europako hirugarren merkatua da

ProWein Europako ardo eta edari bizien nazioarteko azoka da, atzo hasi eta bihar, hilak 21 amaituko dena, Alemaniako Düsseldorf hirian. Euskal Autonomia Erkidegoko (EAE) 34 upategi izango dira azokan, Basque Country standean. Arabako Errioxako 25 upategik, zortzi txakolindegik eta vodka destilategi batek 290 metro koadroko gune batean erakutsiko dituzte euren produktuak. Gastronomia, ostalaritza, txikizkako zein handizkako komertzio eta elaborazioaren sektoreko bisitari espezializatuentzako azoka da Düsseldorf hirikoa.

ProWein sendotu egin da ardoen eta edari alkoholdunen Europako azokarik garrantzitsu eta esanguratsu modura. Mundu osoko ardo eta beste edari alkoholdun batzuen ekoizlerik garrantzitsuenak ditu erakusketarien artean. Joan den urtean 59 herrialdetako 6.000 erakusle baino gehiago izan ziren azokan, eta 55.000 bisitari espezializatu baino gehiago hartu zituen.

Euskadiko mahastizaintza eta ardogintzaren sektorearen kanpoko proiekzioa babesteko jardueran, Bittor Oroz Jaurlaritzako Nekazaritza, Arrantza eta Elikagaien Politikako sailburuordea eta Peli Manterola, Elikagaien Kalitate eta Politikako zuzendaria, Alemaniako azokan egongo dira euskal upategiei babesa emateko.

Jaurlaritzaren arabera, Alemania merkatu garrantzitsua da ardo eta txakolinetarako, euskal upategiek gehien esportatzen duen Europako hirugarren merkatua baita. Jatorri Izendapen Babestua (JIB) duten ardoen eskariaren bolumena %6 inguru hazi da, hau da, balioaren ia %5eko igoera, 19.700.000 euro baino gehiagora iritsita. Alemaniako hazkunde horretan bereziki nabarmentzen da txakolinaren salmenten igoera.

Temas

Recibe nuestras newsletters en tu email

Apúntate