Diario Vasco

Osakidetzako Paziente Bizia programak saria jaso du

Lehen Mailako Arretako profesional talde baten ekimenez sortu zen
Lehen Mailako Arretako profesional talde baten ekimenez sortu zen
  • Autonomia erkidego batek sustatutako kronikoen programa onena da

Eusko Jaurlaritzako Osasun Sailaren eta Osakidetzaren Paziente Bizia programak jaso du Tecnologia y Salud izeneko fundazioak aurten lehenengo aldiz eman duen autonomia erkidego batek sustatutako kronikoen programa onenaren saria. Jon Darpon Osasun sailburuak azpimarratu du programa horretan "dagoeneko 4.000 pazientek baino gehiagok eta 270 zaintzailek baino gehiagok" hartu dutela parte eta saria "horiena eta horientzat" dela.

Paziente Bizia programa Euskal Osasun Zerbitzuko Lehen Mailako Arretako profesional talde baten ekimenez sortu zen, eta gaur egun Euskadi osoan hedatu da. Osakidetzaren Osasun Eskola zerbitzuaren barruan dago, eta herritarrak, gaixotasun kronikoren bat duten pertsonak eta zaintzaileak ahalduntzera bideratutako hainbat programa hartzen ditu bere baitan.

Antolatzen dituen tailerren bidez pertsonei laguntzen die gaixotasunari modu osasuntsuagoan eta positiboagoan aurre egiten, eta, aldi berean, gaixotasun kronikoak beren bizitzan, maila fisikoan eta maila emozionalean eta sozialean duen eragina kudeatzen ikasten dute.

Berdinen arteko heziketa programa izatea da saritutako ekimenaren ezaugarri nagusietako bat. Bi begiralek zuzentzen dituzte tailerrak, eta, berez, gaixotasun kronikoa duten pertsonak edo zaintzaileak izaten direnez, egoera horrek nolabaiteko enpatia eta hurbiltasuna eskaintzen die parte hartzaileei eta erreferentzia eredu positibotzat hartzen dituzte.

Temas

Recibe nuestras newsletters en tu email

Apúntate