Diario Vasco

Neiker Alerta Biologikoko Laborategien Sareko kide bihurtu da

Animalien Osasunaren zein Landareen Osasunaren sailak elkarlanean arituko dira sareko kideekin
Animalien Osasunaren zein Landareen Osasunaren sailak elkarlanean arituko dira sareko kideekin
  • Laborategi horiek arriskutsutzat jotako hainbat eremutan espezializatuta daude

Neiker-Tecnalia Nekazaritza, Ikerketa eta Garapenerako Euskal Erakundea Alerta Biologikoko Laborategien Sarean (RE-LAB) sartu da. Espainiako Gobernuko Presidentziak bultzatutako sarea da, eta Zientzia eta Berrikuntzako Ministerioaren menpe dagoen Carlos III Osasun Institutuak koordinatzen du. Sareari esker, Krisi Egoerak Gidatzeko Espaniako Sistemak "agente biologiko arriskutsuen mehatxuei aurre egiten lagunduko dion oinarrizko azpiegitura zientifikoa eta teknikoa eduki dezake".

Azken kide berriak kontuan hartuta, RE-LAB sarean 13 laborategi daude. Laborategi horiek arriskutsutzat jotako hainbat eremutan espezializatuta daude (gizakien eta animalien osasuna, landareen osasuna, ingurumena eta elikagaien osasuna), eta elkar osagarriak dira, beren datu baseak elkar lotuta baitaude eta jardute protokolo egokiak baitituzte.

Neiker zentroko arduradunek jakinarazi dutenez, sarean sartzeak esan nahi du bere teknikariek egiten duten lana eta bere instalazioen eta ekipamenduen kalitatea onartzen direla. Animalien Osasunaren zein Landareen Osasunaren sailak, eta bereziki haien mikrobologia arloa, elkarlan estuan arituko dira sareko kideekin agente biologikoen balizko mehatxuei erantzuteko.

Sareak "mekanismo arina eta eraginkorra" ezarri du agente biologikoek eragin ditzaketen alerten eta mehatxuen kudeaketaz arduratzen diren agintariekin komunikazioan egoteko. "Alertan esku hartzen duten alde guztien artean ezarritako lankidetzak osasun publikorako mehatxua den edozein gertaerari azkar eta eraginkortasunez erantzuten uzten du, bai eta ahalik eta denbora gutxien hiritarren segurtasunean eragina eduki dezaketen alarma faltsuak desaktibatzen ere", azaldu dute.

Temas

Recibe nuestras newsletters en tu email

Apúntate