Diario Vasco

Enpresetako euskara planen zilarrezko ezteiak

Euskara plana duten enpresenahalegina saritzeko ekimena izan zen Tabakaleran
Euskara plana duten enpresenahalegina saritzeko ekimena izan zen Tabakaleran
  • Elhuyarrek ekarpen nabarmena egin dutenei aitortza egin die Tabakaleran

Esloveniak eta Kroaziak independentzia iragarri zuten Jugoslaviatik duela 25 urte, Nirvana taldeak Nevermind diskoa kaleratu zuen urte berean. Miguel Indurain txirrindulari nafarrak Frantziako Tourra lehenengo aldiz irabazi zuen eta Maria Zambrano espainiar filosofo eta saiakeragilea zendu zen. Hego Afrikan ‘apartheid’ sistema baliogabetu zuten duela 25 urte eta 25 urte igaro dira turistek Pisako dorrera ezin dutenetik igo. Beste hainbeste Twin Peaks telesaila estreinatu zutenetik eta Osasunaren Mundu Erakundeak homosexualitatea buruko gaitzen zerrendatik atera zuenetik.

Elhuyar Aholkularitzak duela 25 urte jarri zuen martxan lehen enpresan euskara plana, eta hau ospatze aldera, ekitaldia egin zuten atzo Tabakaleran; ekarpen nabarmenena egin dutenei eskerrak emateko. Besteak beste, HPS eta Elay enpreseiegin zitzaien aipamen berezia.

Garai hartan, Euskal Herrian, herritarren %7,7 zen elebiduna. Lan handia zegoen egiteke. Elebidunen hazkundea Nafarroan eta batez ere Euskal Autonomia Erkidegoan gertatu da. Iparraldean ere, galerak galera, poliki gora egiten du euskaldunen ehunekoak.

1991n elebidun gehienak euskaldun zaharrak ziren, euskara etxean ikasitakoak. 2012ko datuek, bestalde, 16 eta 24 urte arteko gazte elebidunen erdia baino gehiago (%51,9) euskaldun berriak argitu zuten. Euskaldun berriak eskolan, euskaltegian edo lanean ikasi du euskara.

Elay Taldean izan zen euskara plana egiten lehena, eta segidan iritsi ziren Beasaingo CAF eta Loiuko Arlan. 1996an lau enpresa ari baziren erabilera-planetan, 1998an 24 enpresa ziren. Egun, ia 500 dira euskara planetan parte hartutakoak.

Hala ere, kontuan hartzekoa da 10 langiletik gorako enpresak 10.000 inguru dira Euskal Autonomia Erkidegoan Dirceren datuen arabera, eta 500 enpresa inguruk euskara-plana diseinatu eta garatu badute, % 0.05 inguru izan direla esan nahi du.

Euskara plan bat prozesu planifikatua da, hizkuntzaren erabilera eta presentzia areagotzeko diseinatua. Enpresaren jardunean eragiteko. Horregatik, enpresen beharretara moldatzen dira planak. Maddi Etxebarriak, Elhuyar Aholkularitzako partaideak, azaltzen du: "Lehenengo diagnosi bat egiten da, hizkuntza egoerarena. Kalitate parametro batzuk ezartzen dira. Gero, helburuak. Industria enpresek edo zerbitzu enpresek ez dituzte behar berak, eta helburuak ere desberdinak izan ohi dituzte horregatik". Industriak barrura begiratzen du. "Erreminta askoren izenak ez dakizkite, edo ez dago lan horren inguruko hizkuntzarik. Beharrak, beraz, enpresaren barruan du fokoa. Zerbitzu enpresek, haitzitik, kanpora begiratzen dute. Lana euskaraz eskaintze aldera". Etxebarriak gaineratzen du, "azken urteotako krisiak krisi, konpromiso tinkoa erakutsi dutela enpresek euskara lan errutinetan txertatzeko".

Ezagutzea, erabiltzea eta txertatzea

Etxebarriak uste du aurre egiteke dagoen erronka nagusia "euskara balio erantsi modura ikusten ikastea" dela. Izan ere, euskal hizkuntza "militantzia kontu bat izateaz gain, kurrikularra ere bada egun". "Nazioartera salto egin nahi duten enpresek hizkuntzak eta zerbitzuak kudeatzen ikasi dezaketelako".

Zailtasunik handiena ezagutzatik erabilerarako pausoan kokatzen du Etxebarriak, "emandako pausoak atzera berriro ez ematean", hain zuzen. Gakoa hizkuntza eta hizkuntza erabiltzaileak integratzea dela deritzo, "enpresako lider naturalek hizkuntzaren aldeko apustua egitea beharrezkoa da; alegia, zuzendaritza taldeak hizkuntza erabiltzea".

Temas

Recibe nuestras newsletters en tu email

Apúntate