Diario Vasco

DIPCeko bi kide, historiako 12 artikulu garrantzitsuenetako baten egile

Donostia International Physics Center-eko eraikina, kanpoaldetik
Donostia International Physics Center-eko eraikina, kanpoaldetik / Mikel Fraile
  • Simulazio atomikoko kode berri bat aurkeztu zuten "Journal of Physics" sailean

Materialen Fisika Zentroko (CSIC-EHU) Daniel Sánchez Portal eta Cambridgeko Unibertsitateko irakasle eta CIC nanoGUNE zentroko Ikerbasque ikertzaile Emilio Artacho "Journal of Physics" sailaren 50 urteko historiako 12 artikulu garrantzitsuenetako baten egilekideak dira, argitalpenaren editoreen arabera. Bi ikertzaileak Donostia International Physics Center-eko (DIPC) kideak dira.

Zentro donostiarrak jakinarazi duenez, Sánchez Portalek eta Artachok 2002an argitaratu zuten aukeratutako lana. Simulazio atomikoko kode berri eta eraginkor bat aurkezten zuen, bere siglengatik SIESTA deritzona, eta gaur egun "luze eta zabal" erabiltzen da.

"Journal of Physics" sailaren 50. urteurrena dela eta, fisikaren arloko zenbait publikazio biltzen dituen aldizkari-familia honetako editoreek, beren orrialdeetan argitaratutako 12 artikulu garrantzitsuenen zerrenda osatu dute, eta horien artean DIPCeko bi ikertzaileen lana.

Aukeratutako artikuluak simulazio atomikoko metodo eta kode berri bat aurkezten zuen, beren siglengatik SIESTA deritzona. Kode arrakastatsu horrek, irekia eta doakoa ikertzaile komunitatearentzat, materialen propietateak aurresateko aukera ematen duen kalkulu metodo berri eta oso eraginkor bat ezarri zuen, eta hari esker mekanika kuantikoko ekuazioak ebatz daitezke, konputazio instalazio handi eta oso garestiak erabili beharrik izan gabe. Gaur egun, mundu osoko milaka erabiltzailek SIESTA darabilte beren eguneroko ikerketa lanean.

Sánchez Portal, Artacho eta beste bost fisikarik sinatutako artikulu originala 2002an argitaratu zen "Journal of Physics: Condensed Matter" aldizkarian, eta 7.000tik gora aipu izan ditu, zientzia literaturan espezializatutako "Google Scholar" bilatzailearen arabera. "Pisuzko arrazoiak dira guztiak ere 'Journal of Physics'-eko editoreek garrantzitsuenen zerrendan sartzeko", adierazi dute DIPCetik.

Bi egilekideen hitzetan, "hautatutakoen zerrendan luxuzko zerrendakideak daude, zinez". Hain zuzen, beste 11 artikuluen artean, zenbait Nobel saridunek sinatutako batzuk daude.

Temas

Recibe nuestras newsletters en tu email

Apúntate