Diario Vasco

50 urte bete ditu Sidneyko euskal etxeak

Carlos Orue, zuzendari izandakoa, bere familiarekin
Carlos Orue, zuzendari izandakoa, bere familiarekin
  • Ospatzeko, 'Euskal Herriaren zaporea' jaialdia antolatu dute

Ospakizun astean murgiltzear da Sidneyko euskal etxea, Gure Txoko izenekoa. Australiar hiriko euskaldunen bilerarako lekua denak, bederatzi egun iraungo dituen jaialdia antolatu du identitatea eta jatorria aldarrikatzeko.

'Euskal Herriaren zaporea' izeneko jaialdiari hasiera emango diote australian ohikoak diren "ongietorri aborigenarekin, euskal jaki eta kontzertu batekin", esan dio EFEri 'Gure Txoko' euskal etxeko zuzendariak, Estefania Martinok.

Azaroaren 20a arte luzatuko da festibala, non zinema erakustaldiak, sukaldaritza tailerrak, hainbat txapelketa eta kirol lehiaketa egingo diren. 1960tik, Sidney hiria kulturalki hain oparoa ez zen garaitik, gaur arte egindako lanen errekonozimendua helduko da horrela euskal etxera.

Jada zendutako Carlos Oruek, Gure Txokoko zuzendari izandakoak, argitaratutako liburuak dioenez, litekeena da 'Toscana' izeneko ontzian Sidneyra heldu ziren lehen migratzaileek euskal etxe bat sortzeko asmoarekin batera ailegatu izana Australiara. Hala ere, ideia 26 familiari esker bilakatu zer erreal, bakoitzak 200 dolar jarrita Darlinghurst auzoko etxe bat erosi zutenean. 1966ko uztailaren 31an zabaldu zituen ateak euskal etxeak lehen aldiz, "Loiolako San Ignazioren egunarekin bat eginez, Gipuzkoako eta Bizkaiko patroia dena", azaltzen du Martinok.

Harrezkero, euskaldunen bilerarako lekua da Gure Txokoa, euskal identitatea mantentzen eta sendotzen laguntzen diena. Aberri Eguna ere ospatzen dute, 1967an lehen aldiz jaieguna antolatu zutenetik.

Euskal etxearen sorkundetik 50 urte igaro badira ere, ezer gutxi aldatu da bertan. Txokoaren eginkizunak handitu egin dira "Australia eta Sidneyra heltzen diren euskaldunen harrera egiten dien etxea bilakatzeraino", gehitu du Estefania Martinok.

Temas

Recibe nuestras newsletters en tu email

Apúntate