Diario Vasco

Estresaren aurka, ‘basoterapia’

fotogalería

Loch Faskally, Eskozian, astearte honetan. / RUSSEL CHEYNE/REUTERS

  • Oraintxe daude basoak ederrak zuhaitz artean murgiltzeko eta 'shinrin-yoku' tradizio japoniarra gurera egokitzeko

Sintoismoak eta budismoak lotura estua dute naturarekin, eta horiexek dira hain zuzen Japonian gehien praktikatzen diren erlijioak. Bata, bestea edo biak, bateragarriak baitira. Naturarekiko hurbiltasun horretan dago oinarrituta 'shinrin-yoku' teknika, zuhaitz artean murgildu eta, itsaso berde bat balitz bezala, basoan 'bainatzera' gonbidatzen duena. Japonian 5 milioi pertsonak praktikatzen omen dute erregularki 1982an bertako basoak kudeatzen dituen erakunde publikoak sistematizatu zuen teknika. Basoan barrena ibiltzea zer den guztiok dakigu, baina esperientziari harnasketa-ariketak eta beste aktibitate osagarri batzuk gehitzen bazaizkio txangoaren onurak areagotu egiten omen dira.

Lan ugari aurki daitezke, izen handiko unibertsitateetako irakasleek sinatuak horietako asko, zuhaitz artean ibiltzean dituen eragin osasungarriez. Prebentzioaren ikuspegitik, jarduera oso egokitzat jotzen dute estresa eta presioa murrizteko eta, oro har, eguneroko presen eta inguru kutsatuen eragin kaltegarriei aurre egiteko. 2004 urteaz geroztik, hiru milioi euro inbertitu omen ditu Japoniako gobernuak basoen eragin teraupeutikoen ikerketa zientifikoan, eta badira honezkero pixka bat pentsatuz gero zentzuzkoak ematen duten ondorio osasungarri horren oinarri fisiologikoak frogatu dituzten ikerketak. Besteak beste, Chiba unibertsitateko Yoshifumi Miyazaki ikerlariak artikulu ugari argitaratu ditu gaiaren inguruan.

Berriketari eta iruzurtiak ere badira, noski, baina beste proposamen batzuen aldean 'shinrin-yoku' honek baditu abantailak; basoan galdu edo erori ezean, nekez izango du albo-ondorio kaltegarririk. Mesede handirik egingo ez balu ere, beti da esperientzia atsegin eta baretzailea, are gehiago udazkenean, basoak eder baino ederrago daudenean, zuhaitz artean ibiltzea. Euskal Herrian ez gaude froga egiteko baso faltan eta, horrenbetez, ez da ezinbestekoa toki askotan loratzen ari diren 'baso terapeutiko' horietakoren batea joatea.

Gomendatzen dutena da kirol balentriak alde batera uztea, eta basoaz patxadaz eta zentzumen guztiak baliatuz gozatzea: entzutea, begiratzea, ukitzea, usaintzea… Parkeek ere balio dute noski horretarako. Balio ez dutenak dira esperientzia eten eta deuseztu dezaketen telefono eta antzeko tramankuluek, konpainia berritsuek eta presek.

Temas

Recibe nuestras newsletters en tu email

Apúntate