Diario Vasco

'Azken belaunaldiko' wifia izango dute ikastetxe publikoek

Eskolaurreko bi ikasle, tabletak baliatzen.
Eskolaurreko bi ikasle, tabletak baliatzen. / AFP
  • Hezkuntza Sailak eta arlo bereko ministerioak hitzarmena sinatuko dute EAEko ikastetxe publiko guztietan banda zabal ultra azkarra izan dezaten

Eusko Jaurlaritzako Hezkuntza Sailak, Espainiako Hezkuntza Ministerioak eta Red.es enpresa publikoak hitzarmena sinatuko dute Euskadiko ikastetxe publiko guztiek azken belaunaldiko wifi konexioa izan dezaten.

2016-2017 ikasturtetik aurrera ikastetxe publiko denek izango dute gutxienez 100 Mb-eko emaria bermatzen duen konektibitatea; hau da, banda zabal ultra azkarra.

Eusko Jaurlaritzak jakinarazi duenez, «jauzi kualitatibo eta kuantitatibo» horrek eskatuko du ikastetxeetako sare lokal guztiak eguneratzea, eskakizun berrietara egokitu daitezen.

Hitzarmenaren xedea da Lehen eta Bigarren Hezkuntzako ikastetxeetan egin behar diren hobekuntzak denen artean finantzatzea, hedapena amaitutakoan ikastetxe osoak izan dezan wifi-estaldura.

Gehienez ere EBko funtsetatik datozen 2.516.800 euro bideratuko ditu Red.es-ek egokitzapen lan horietara.

Temas

Recibe nuestras newsletters en tu email

Apúntate