Diario Vasco
n Bilbao

'Heziberri 2020', Bruselan aurkeztua

Izaskun Bilbao eurodiputatua eta aurkezpena egin zuen Xabier Aizpurua.
Izaskun Bilbao eurodiputatua eta aurkezpena egin zuen Xabier Aizpurua.
  • Hezkuntza-bikaintasunerako jardunbide on gisa aurkeztu da Europako Parlamentuan EAEko hezkuntza hobetzeko plana

Hezkuntza, Hizkuntza Politika eta Kultura Saila 2013 urteaz geroztik EAEko hezkuntza-sistema hobetzeko lantzen ari den 'Heziberri 2020' plana Europako Parlamentuan aurkeztua izan da, hezkuntza-bikaintasunerako jardunbide on gisa. Aurkezpena ISEI-IVEI Irakas Sistema Ebaluatu eta Ikertzeko Erakundeko zuzendari Xabier Aizpuruk egin zuen astearte arratsaldean Bruselan, Europako Parlamentuko Zerbitzu Publikoetako intertaldeko kideen aurrean.

Azken xedetzat Euskal Hezkuntza Legea duen plana 'Hezkuntza eta Heziketa 2020' Europako ekimenaren baitan kokatuta dago, bost ardatz estrategiko ditu eta, Eusko Jauirlaritzak ohar baten bidez azaldu duenez, «euskal hezkuntza sistemak Europa mailan duen lidergo-posizioa sendotu nahi du».

Xabier Aizpuruak Bruselan egin zuen aurkezpena lan-talde horren presidente Jean Paul Denanoten gidaritzapean eginiko saioan gauzatu zen. Bertan ziren 'Ikerketa, Hezkuntza eta Heziketa 2020' plana kudeatzen duen Europako Batzordeko Unitatearen buru Sophia Ericksson eta Jean Bauditz ere, erakundearen hezkuntza aholkularia Danimarkako Tokiko Gobernurako. Euskal hezkuntza sistemaren sendotasunak, bere bilakaeraren inguruko noizbehinkako ebaluazio independenteen existentzia eta euskal eskola guztiei 'Oso ona-Bikaina' kalifikazioa lortzea ahalbidetuko lieketen faktore horiek hobetzea xede duen plan horren existentzia baieztatu eta gero izan da hautatua euskal esperientzia. EAEn, egun, eta McKinsey 2012 txosteneko datuen arabera, eskolen % 31k 'Onargarria-Ona' kalifikazioa dauka, % 38k 'Ona-Oso ona' eta % 14k, azkenik, 'Oso ona-Bikaina' kalifikazioa. Azken bi mailetan sarturiko eskolen kopurua gora doa egunetik egunera.

ISEI-IVEIko zuzendariak nabarmendu zuenez, hobekuntza-programek abiapuntua hartu beharko dute aintzat eta bere esanetan, 'Oso ona-Bikaina' mailara sartzeko zientifikoki kontrastaturiko pedagogia-berrikuntza bat eta berdinen arteko taldekako ikaskuntzaren sustatzea egiaztatu beharra dago. Aizpuruak gaineratu zuenez, «aurreko hobekuntza hori harmonikoki sustatu ahal izateko zehaztu diren bost ardatz estrategikoak euskal ikasleek PISA ebaluazioa bezalako Europa mailako froga ezberdinetan lortu dituzten emaitzak urte luzez ebaluatu eta gero zehaztu ziren euskal hezkuntza sistemaren sendotasunetan eta ahulezietan eta eskolen, irakasleen lanbide-karreraren eta sistema kudeatzeko printzipioen balizko hobekuntzen diagnostikoetan oinarritu dira».

Temas

Recibe nuestras newsletters en tu email

Apúntate