Diario Vasco

104.000 txakur eta 33.000 katu abandonatu zituzten iaz Espainian

Artxiboko argazkian, bi txakurkume familia berri baten zain.
Artxiboko argazkian, bi txakurkume familia berri baten zain. / DV
  • Animaliaren portaerak eragin zituen abandonuen %15, baina arrazoi ekonomikoek ere pisu handia izan zuten

Etxeko animaliek ere badute nazioarteko eguna. Astearte honetan ospatzen da, urriaren 4an, eta horren harira datu zirraragarriak zabaldu ditu Affinity fundazioak, Espainiar estatuko animaliak babesteko elkarteek emandako informazioan oinarrituta. Elkarte horiek kudeatzen dituzten aterpetxeetan, hain zuzen, jabeek abandonatutako 104.501 txakur eta 33.300 katu jaso zituzten 2015 urtean. Bazterrean utzitako animalia denak ez direnez iristen gutxieneko zaintzak eta, kasurik onenetan, adopzioa bermatzen dieten zentro horietara, pentsatzekoa da egiazko kopurua eman dutena baino handiagoa izango dela.

Abandonuaren aurkako kanpaina berri bat abian jarri duen fundazioak argitu du askotan (%15) animaliaren portaerak bultzatzen dituela jabeak hori etxetik botatzera. Beste horrenbeste kasutan, nahi gabeko kumealdiak daude erabakiaren atzean, eta kontuan hartzekoa da halaber arrazoi ekonomikoak aipatzen dituztenen ehunekoa (%12).

Hala ere, animalia etxetik bota baino askoz ere lehenago hasten da egosten abandonua, maskota erosterakoan. Txostenak dioenez, erosketen heren baten atzean (%34, zehazki) ondo pentsatu gabeko erabakiak daude. Oro har, ohikoagoak dira apetak eta arrazoi emozionalak arrazionalak baino, zailagoa delarik horiei eustea ondo pentsatutako hautuei baino. Abandonu gehienak, hain justu, arinkeriaz egindako erosketei egoztek dizkie ikerketak. Horrenbestez, gogoeta eta jarrera arduratsua gomendatzen ditu abian jarri duten kanpainak, eta gogorarazten du katuak, txakurrak edo beste etxeko animalia batzuk ez direla jostailuak, ezta modako osagarriak ere.

Temas

Recibe nuestras newsletters en tu email

Apúntate