Diario Vasco

Aurreko ikasturtea «oso emankorra» izan dela dio UEUk

Iñaki Alegria, UEUko zuzendaria.
Iñaki Alegria, UEUko zuzendaria. / MIKEL FRAILE
  • Udako Euskal Unibertsitateko zuzendariak pasa den ikasturteko balozaioa egin du ostiral honetan Eibarren

Iñaki Alegria UEUko zuzendariak pasa den ikasturteko balorazioa egin du ostiral honetan Eibarren, 2016-2017 ikasturtearen hasiera ekitaldian, eta alde akademikotik ikasturte «oso emankorra» izan dela adierazi du, eta udan zein neguan izan dela igoera hori, baina batez ere neguko ekitaldietan eta on line arloan. Gainera, on line modalitatean ematen den joera azken urteetan «iraunkorra» dela nabarmendu du.

Lankidetza arloan ere «ikasturte emankorra» izan dela esan du Alegriak, aurretik zeuden hitzarmenei Nafarroako Unibertsitate Publikoarekin (NUP) lortutakoa gehitu zaielako. Erakunde publikoekin, aldundiekin eta udalekin ere bideratu dituzte proiektu berriak, baita bestelako eragileekin ere, Jakin erakundearekin kasu.

Hala ere, Alegriak esan du ekoizpen zientifiko idatziaren aldetik ez dela ikasturte emankorra izan. Arlo horretan ez dela aurrera egiten adierazi du, baina «ez UEUn ez beste unibertsitateetan. Ingumaren datuek esaten digutenez, irakasle/ikerlari euskaldun gehiago egon arren euskarazko ekoizpen idatziak ez du aurrera egiten», azaldu du. Horrela, «egiturazko arazo bat» dagoela esan du.

Bestalde, ikasturte berrira begira, UEUren erronka nagusiak hiru direla azaldu du: graduondokoetan eta masterretan eskaintza berriak lantzea, on line aukera areagotuz; Iruñean egingo den 2. IkerGazte biltzarrean lehenengoaren maila berdintzea eta, «erronkarik handiena», on line unibertsitatea martxan jartzea.

Ekitaldia bukatzeko, Lorea Agirre Jakin erakundeko zuzendariak sarrera hitzaldia egin du, 'Egin izateko. Euskararen borroka feminista' izenburupean.

Recibe nuestras newsletters en tu email

Apúntate