Diario Vasco

Jaurlaritzak euskararen biziberritze pozesua azaldu du Korsikan

Bergé, Luciani, Díaz de Lezana, Baztarrika eta Jakez, Korsikan.
Bergé, Luciani, Díaz de Lezana, Baztarrika eta Jakez, Korsikan.
  • Korsikako erakundeak bertarako hizkuntza politika definitzen ari dira, eta hurbiletik ezagutu nahi izan dute euskararen esperientzia

Korsikako Lurralde Elkargoak antolaturik, Eusko Jaurlaritzako Hizkuntza Politikako sailburuorde Patxi Baztarrika Linguimondi izeneko mintegian parte hartzen ari da egunotan, Korsikan. Ondorengo urteetan garatu beharreko hizkuntza politika aztertzen eta korsikera sustatzeko neurrietan sakontzen dihardute Mediterraneoko uhartean. Baztarrikarekin batera parte hartzaile dira mintegian, bai atzo eta bai gaur, Iparraldeko Euskararen Erakunde Publikoko presidente Mathieu Bergé, Bretoieraren Erakunde Publikoko , eta Kataluniako Hizkuntza Politikako zuzendari Marta Xirinachs.

'Korsikera. Erakunde publikoa hizkuntzarentzat?' lelopean antolatu dira hitzaldi guztiak astearte honetan, eta korsikera sustatzeko markoa eta egitura hartu dituzte hizpide. Baztarrika sailburuordeak 'Marko legala. Euskadiko hizkuntza politikaren antolakuntza-egitura eta baliabideak' izeneko hitzaldia eman du. Hizkuntzalari, hizkuntza politikan aditu eta formatzaileen parte hartzearekin ari da burutzen mintegia.

Astelehenean berriz, helduen prestakuntza izan zen mintegira hurbildutako adituen hitzaldietako ardatza. Patxi Baztarrikak helduen euskalduntze sistemari buruzko hitzaldia eman zuen, HABEren nahiz euskaltegien zereginak azalduz. Era berean, Korsikako helduen prestakuntzako arduradunek ere gai honen inguruko hitzaldiak eskaini zituzten.

Astearte honetako hitzaldietan entzule izan dira Korsikako Kontseilu Exekutiboko (Gobernua) presidente Gilles Simeoni, Korsikako Asanbladako presidente Jean-Guy Talamoni, eta korsikeraren kontseilu exekutiboko kontseilari Xavier Luciani. Korsikan antolaturiko mintegiaren garrantziaren erakusle da Lurralde Elkargoaren ordezkaritza gorena bertan egon izana mintegiaren bigarren egun honetan, Simeoni presidentea buru dela, Asanbladako presidentearekin batera.

Korsikarako hizkuntza politika

Korsikako erakundeak bertarako hizkuntza politikarako estrategiak eta egiturak definitzeko prozesuan sartuta daude buru belarri, eta hurbiletik ezagutu nahi izan dute euskararen esperientzia, katalana eta bretoierarenarekin batera.

Temas