Diario Vasco

Ondo jatearen garrantzia

Hainbat ponentzia egongo dira larunbatean.
Hainbat ponentzia egongo dira larunbatean. / FOTOLIA
  • Elikadura osasungarriari eta ekologikoari buruzko jardunaldiak egingo ditu larunbatean Orona Fundazioak

Orona Fundazioak elikadura osasungarriari eta ekologikoari buruzko jardunaldiak egingo ditu larunbat honetan, irailaren 24an, Hernaniko (Gipuzkoa) Orona Ideo guneko Zero eraikineko auditoriumean, eta osasunaren, elikaduraren eta agroekologiaren hiru aditu bilduko ditu.

Horrela, Orona Fundazioak jakinarazi duenez, goizeko 10:00etan, Fernando Fombellida Medikuntza eta Kirurgia doktorea eta, Andoni Luis Adurizekin batera 'Cocinar para Vivir' liburuaren idazleak 'Osasuna, altxor zoragarria' hitzaldia emango du, eta bizi estiloaren eta osasunaren arteko loturari buruzko gogoeta egingo du.

Jarraian, 11:00etan, M. Dolores Raygon Valentziako Unibertsitate Politeknikoko Nekazaritza Ingeniaritzan katedradun eta Espainiako Nekazaritza Ekologikoko Elkarteko lehendakariak 'Elikadura ekologikoa: kalitatea eta osasuna' hitzaldia eskainiko du. Raygonek azalduko du nola ohiko ekoizpen sistemek nekazaritzako ekoizpen inertzia batera eraman gaituzten, hura uztera eta munduko beste leku batzuetatik ekartzen diren elikagaiekiko mendekotasuna izatera, horrek ingurumen, energia, gizarte eta ekonomia kostu handia eragiten duen arren.

Azkenik, eguerdiko 12:30ean, Iker Goikoetxea Nekazaritzako ingeniari teknikoa eta paisaialaria eta Karabeleko proiektuaren koordinatzaileak Karabeleko proiektuari buruz eta haren erronka eta balioei buruz hitz egingo du 'Karabeleko. Zapore berri bat' izenburuko hitzaldian.

Temas