Diario Vasco

Deustuko Ingeniaritza Fakultatea eta Gaia elkarrekin, jardunaldi batean

4.0 Industriari eta Big Datari buruz izango da jardunaldia.
4.0 Industriari eta Big Datari buruz izango da jardunaldia.
  • Batera arituko dira enpresen eraldaketa digitalerako profesionalak prestatzen Unibertsitak Donostian campusean datorren asteartean, irailak 27, goizeko 10:00etatik aurrera

Deustuko Unibertsitateko Ingeniaritza Fakultateak, Gaia-rekin lankidetzan, jardunaldia antolatu du profesionalentzat datorren asteartean, irailak 27, 4.0 Industriari eta Big Datari buruz. Jardunaldiaren barruan, 4.0 industrian egon daitezkeen aukerak aztertuko dira, IKET (Informazioaren, Komunikazioaren eta Elektronikaren Teknologiak) sektoretik. Mahai inguru bat eta sektoreko profesionalen arteko eztabaida ere izango dira. 10:00etatik 11:30era izango da jardunaldia eta ondoren mahai inguruari hasiera emango zaio.

Industriak eskakizun berriak ditu gaur egun, prozesu guztiak digitalizatzen ari baitira. Horregatik, lanbide profil berriak behar izango ditu, eta teknologiaren esparruko beste mota bateko gaikuntza. Industria eta zerbitzuen sektoreen bilakaera operatibo eta teknikoak tresna berriak eskatuko ditu, erakundeen eraldaketa digitala dela eta. Aldaketa horri erantzuteko, profesionalek kontzeptu, jakite eta teknologietan murgildu beharko dute, langileen ibilbidea sendotzeko eta/edo gazte eta profesionalentzako enplegu aukera berriak sortzeko.

'Big Data' eta 'Business Intelligence'

'Big Data' eta 'Business Intelligence' kontzeptuak aukera paregabea dira datuak tratatu eta aztertu nahi dituzten erakunde, enpresa eta pertsonentzat, horietan oinarrituz erabakiak hartzeko edo bezeroentzako balioa eskuratzeko: enpresei lagundu diezaiekete gehiago saltzen (erosketa patroiak antzemanda), kostuak optimizatzen (itoguneak edo alferrik galdutakoak bilatuta) eta bezero gehiago aurkitzen (euren portaera patroien arabera), besteak beste. Horregatik, Deustuko Unibertsitateak Business Intelligence eta Big Data Programa eskaintzen du Donostian, datuak aztertzeko eta prozesatzeko teknologietan oinarri sendoa eskuratu nahi duten pertsonentzat.

Temas