Diario Vasco

Udako Euskal Unibertsitatean ikasteko matrikulazio epea ireki da

'Testu ulergarrien' klasea.
'Testu ulergarrien' klasea.
  • Urria eta abendua bitartean hamar ikastaro eskainiko ditu UEUk Eibarren eta on-line

Udako Euskal Unibertsitateak (UEU) bere udazkeneko eskaintza aurkeztu du. Urria eta abendua bitartean hamar ikastaro eskainiko ditu UEUk Eibarren eta on-line. Euskarazko etengabeko prestakuntzan erreferentzia bilakatuta, azken 10 urte hauetan Markeskoako ikasgeletatik 2.000 ikasletik gora pasa dira.

Kursto berriko ikasketetarako matrikula irekita dago online edo bestela telefonoz deituta 943 82 14 26 telefonora.

Mari Karmen Menika, UEUren Ikastetxe Nagusiko arduradunaren esanetan: «Ezagutza eta informazioaren gizartean gaude eta ikaskuntza bizitza-ziklo osora zabaldu da. Horrek formazio eta trebakuntza premia berriak ekarri ditu eta UEUk egindako eskaintza formatiboak premia horiei erantzun die, etengabeko prestakuntzaren barruan ezagutzak berritu, eguneratu eta trebetasun berriak jasotzeko aukera eskaintzen baitu».

Hamar urte bete dira UEUren Ikastetxe Nagusian udaberriko eta udazkeneko ikastaroen eskaintza egiten hasi zirenetik eta hamar urte hauetan 2000 ikasletik gora pasa dira Markeskoako ikasgeletatik. Hamar urte hauetan ikastaro eskaintza bikoiztu du UEUk.

Temas