Diario Vasco

Futbola ikusi eta matematikak ikasi

Errumaniako jokalarien kamisetak, eragiketa matematikoekin.
Errumaniako jokalarien kamisetak, eragiketa matematikoekin. / TWITTER
  • Errumaniako selekzioko kideek eragiketa matematikoak jarri dituzte haien kamisetetan haurrek «zenbakiak modu erakargarriago batean» ikasteko

Futbola edo matematikak? Haur -eta nagusi- gehienek ez dute inolako zalantzarik edukiko galdera hau erantzuteko momentuan. Errumaniako futbol selekzioko kideak egora honen jakitun dira, izan ere, haien herrialdean geroz eta ume gehiagok hasi dira eskola uzten. Eta ez hori bakarrik, ikasketekin jarraitzen dutenen notak geroz eta okerragoak dira.

Egoera hau konpontzeko ahaleginetan, Errumaniako futbol selekzioko kide bakoitzak eragiketa matematiko bat ipini du entrenatzeko kamisetan. Horrela, haien entrenamendutara doan ume bakoitzak matematikak duen garrantziaz ohartuko da eta, nork daki, agian eragiketak egiten saiatuko da.

Errumaniako biztanleriaren %18ak ez ditu ikasketak bukatu. Gauzak horrela, proiektu honen bitartez «haurrek futboleko arau basikoak ikasiko dituzte eta matematikak modu erakargarri batean ikusteko aukera edukiko dute», dio Razvan Burleanuk, Errumaniako Futbol Federazioko presidenteak. Izan ere, «ikasle osasuntsu eta adimentsuen belaunaldi bat eduki nahi dugu».

Temas