Diario Vasco

Parkinsonari buruzko hitzaldia, gaur Donostian

Martí Massó neurologoa.
Martí Massó neurologoa. / MICHELENA
  • J.F. Martí Massó neurologoak emango du eta 19:30ean doan izango da San Telmo Museoan

Donostia 2016k eta Jakiunde Arte eta Zientzien Akademiak 'Parkinsonen gaixotasuna sendatzerik edo prebenitzerik izango al dugu etorkizunean?' hitzaldia antolatu dute astearte honetan 19:30ean, San Telmo Museoan, eta J.F. Martí Massó neurologoa izango da hizlaria. 'Garunaren zahartzea: erlojuaren kontrako lasterketa' zikloaren koordinatzailea da Martí Massó. Ziklo hori Jakiundek DSS2016EUrako diseinatutako Erronkak/Desafíos programaren parte da. Hitzaldirako sarrera dohainik izango da, eserleku kopurua bete arte.

Parkinson gaixotasuna maizen agertzen den bigarren gaixotasun neurodegeneratiboa da, Alzheimer gaixotasunaren ondoren. Egun, gaixotasuna hainbat prozesu desberdinen bukaeratzat ulertzen da, guztiak garuneko egitura zehatz batzuk kaltetzen bukatzen dutenak. Prebentzioa posible izango da, etorkizun hurbilean, asaldura genetiko ezagun bat duten pertsonengan.

Halere, oraindik ez dakigu beste forma batzuk prebenitzerik egongo den ala ez. Hitzaldiak gai horiei helduko die. José Félix Martí Massó neurologoa da. Neurologiako katedraduna da Euskal Herriko Unibertsitatean (EHU), eta, horrez gain, Donostia Unibertsitate Ospitaleko Neurologia Zerbitzuko burua da.

Bera da Errokak/Desafíos programaren barneko 'Garunaren zahartzea: erlojuaren kontrako lasterketa' hitzaldi zikloaren koordinatzailea. Martí Massó doktoreak 2014ko Euskadi Saria irabazi zuen Zientzia eta Teknologiaren arloan.