Diario Vasco

Karatea hartz baten erasoaz babesteko

Aurten jadanik lau pertsona hil dira Japonian hartz baten erasoarengatik.
Aurten jadanik lau pertsona hil dira Japonian hartz baten erasoarengatik. / DREW C. WILSON/AP
  • Japonian arrantzan zebilen bitartean, Asiako hartz beltz batek eraso zuen Atsushi Aoki arrantzalea

Japonian arrantzan zebilen bitartean, Asiako hartz beltz batek eraso zuen Atsushi Aoki. 1,90 metroko animaliak ustekabean harrapatu zuen 63 urteko japoniarra. «Izugarri handia zen», dio gizonak. «Irauli ninduen eta hankan hozka egin zidan», kontatu du.

Baina hortik alde egin ordez, arrantzaleak ukabilarekin jo zion animaliari. «Nik hilko dut edo berak hilko nau», pentsatu zuen Aokik. Hartza korrika atera zen. Hartz beltza joan zen momentuan, gizonak kotxea hartu zuen eta Gunmako ospitalera abiatu zen, Tokiora. Buruan hainbat zauri zituen baina gehien kezkatzen zion zauria besokoa zen. AFP agentziari Poliziak kontatu dionaren arabera, «bera bakarrik iritsi zen ospitalera, ez zuen laguntzarik behar izan».

Nahiz eta kasu honetan karateak bere bizitza salbatzeko balio izan zion, Japoniako agintariek egoera hauetan horrelako arte martzialak ez erabiltzea gomendatzen dute. Haiek diotenaren arabera, «zurekin kanpaitxo berri bat eraman behar duzu. Zaratak animaliak beldurtzen ditu. Gainera, animaliei ez zaie begietara zuzenean begiratu behar». Aurten lau pertsona hil dira Japonian hartzen erasoengatik.

Temas