Iaz baino askoz ere erreskate gehiago egin ditu Gurutze Gorriak ekainean

Hondartza denboraldia ekainaren 1ean hasi zen Donostian, 6an Orion eta 15ean gainerakoetan. Hortaz, gainerako zerbitzuak bezala, Gurutze Gorriko sorosleak ere denborandi betean daude, eta erakunde horrek zaintzen dituen hondartzetan ez dira lan faltan ibili, eguraldiaren aldetik hilabete gorabeheratsua izan bada ere.

Guztira 1.289 osasun laguntza egin dira, joan den urtean baino 84 gehiago. Artatu diren osasun laguntza gehienak zauri eta mozketen ondorioz izan dira (585), ondoren traumatismo itxiak (179) eta xabiroi ziztadak (157) etorri direlarik. 69 erreskate egin dira eta 40 pertsona eraman dira osasun zentroetara. Nabarmentzeko datua erreskaten kopuru altua, joan den urteko ekainean baino 55 erreskate gehiago egin baitira. Erreskate gehienak Zumaiako Itzurunen (38) eta Zarauzko (16) hondartzan egin dira. Datuen arabera, argi dago marmokak ez direla oraindik heldu Gipuzkoako kostaldera, 3 ziztada baino ez baitituzte atenditu Gurutze Gorriko sorosleek, horietako bi Hondarribian.