Baratzezaintza eta abeltzaintza ekologikoak aztertzeko jardunaldiak antolatu ditu Aldundiak

Azaroaren 25 eta 26an Fraisoro Nekazal Eskolan emango dira lehen hitzaldiak. Horietan baratzezaintza ekologikoa, baserrietarako beste gestio eredu bat eta komertzializazioa aztertuko dira. Hizlarien artean nekazari, aditu eta unibertsitateko irakasleak arituko dira. Ostegunean, azaroaren 27an, Zaldibiako Goizane eraikinean egingo da saioa, eta bertan ganaduzale eta teknikariek abeltzaintza ekologikoari buruzko azalpenak emango dituzte.

Era berean, abenduaren 2an eta 4an aukera izango da ekoizpen ekologikoan aritzen diren baratze, oilategi eta gaiak eraldatzen dituzten baserriak bisitatzeko.

Jardunaldiak doan izango dira, baina izena eman behar da helbide hauetakoren batean: biolur@biolur.net edo mcinchausti@gipuzkoa.net.