Idoia Besada eta Xabier Artola, garaile Donostiako Dantza Sueltoko Txapelketan

Artola eta Besada, iazko Euskal Herriko Dantza Sueltoko Txapelketa irabazi eta gero
Artola eta Besada, iazko Euskal Herriko Dantza Sueltoko Txapelketa irabazi eta gero / J.M. López

99,00 puntu lortu zituzten gipuzkoarrek. Bigarren saria Ane Urruzola eta Iker Sanzek irabazi zuten

El Diario Vasco
EL DIARIO VASCODonostia

Dantza Sueltoko Txapelketa egin zuten atzo arratsaldez Donostiako Konstituzio plazan, bertaratutakoen gusturako.

Lehiaketan garaile gertatu ziren, lehenengo postuan, Idoia Besada pasaitarra eta Irurako Xabier Artola. 99,00 puntu lortu zituzten gipuzkoarrek, baita 400 euroko diru-saria, trofeoa, zapia eta, nola ez, txapela.

Bigarren saria Ane Urruzola eta Iker Sanzek irabazi zuten. Villabona eta Tolosakoak dira, hurrenez hurren, gazteok. 95,50 puntu eskuratu zituzten, eta trofeoa ere bai.

Hirugarren saria Amets Amubieta eta Larraitz Larrañaga azpeitiarrentzat izan zen, 93,50 puntu lortuta. 275 € eta trofeoa irabazi zituzten. Jantzi hoberenari saria, azkenik, Idoia Besada eta Xabier Artolak partekatu zuten, lehena Pasaiakoa eta bigarrena, Irurakoa. 100 euro eraman zituzten hauek.

Temas

Euskera

Fotos

Vídeos