Diario Vasco

Gazteen Europar Parlamentua Donostian bilduko da

  • Tokian Tokiko II. Biltzarra egingo dute ostiraletik igandera bitartean

Donostian egingo da Gazteen Europar Parlamentuko II. Tokian Tokiko Biltzarra ostiraletik igandera, otsailaren 10etik 12ra. Bertan, DBH 4 eta Batxilergoa 1eko ikasleek parte hartuko dute. Donostiatik Summa Aldapeta eta Sagrado Corazon Mundaiz ikastetxeetako ikasleak izango dira partaide, Donostiako Udalak jakinarazi duenez.

European Youth Parliament Espainia (EYPE) Estatua EYP sarean ordezkatzen duen erakundea da. EYP europar erakundearen parte da. Izaera apartidista du eta irabazi asmorik gabeko entitatea da, 2006an gazteek eta gazteentzat sortua izan zen, eta, beraz, iaz hamargarren urteurrena ospatu zuen.

EYPE erakundea bere kideek antolaturiko saioetan parte hartzen duten ikasleek osatzen dute. Espainiako Gazteen Europar Parlamentuak Estatu osotik zehar antolatzen ditu ekitaldiak, International Session saioetarako ordezkariak topatu nahian, baita nazioarte mailako eztabaida plataforma eskaini nahian ere. International Session hauek urtean hiru aldiz antolatzen dira hiru hiri europar desberdinetan. Oro har, 250 eta 300 ikasle arteko bilerak izaten dira.

Tokian tokiko biltzarrak 15 eta 17 urte bitarteko gazteentzako lehen urratsak dira, gerora European Youth Parliament delakoaren kide izateko aukeratuak izango direlarik.

Aurten hainbat tokian tokiko ekitaldi egingo dira urtarriletik martxora. Aukeratutako gazteek gerora Gironan ospatuko den Nazio Mailako Konferentzian parte hartzeko aukera izango dute. Gazteen betebeharren artean, erresoluzio bat ekoiztea izango da. Honek, Europako arazoen inguruko analisi eta soluzioak biltzen ditu.

Banakako edo taldeko esperientzia pertsonala lortzea da egitasmoaren bermea, beste kultura batzuekiko mentalitate irekiago bat izateko eta talde heterogeneoetan lan egiteko gaitasunak lortu ahal izateko. Horrela, gazteek Europan eragina duten gaien inguruan eztabaidatzen ikasiko dute, hala nola immigrazioa, ingurumena, ekonomia edo langabeziaren inguruan.

Temas

Recibe nuestras newsletters en tu email

Apúntate