Diario Vasco

700 ikasle baino gehiagok hartu dute parte lasterketa solidarioan

Saguesen egin dute korrika neska-mutikoek.
Saguesen egin dute korrika neska-mutikoek.
  • 'Haurren alde bat egin ezazu' lasterketaren 9. edizioaren xedea larrialdi egoeran dauden haurren alde UNICEFek dituen programak laguntzea da

Lehen Hezkuntzako 5. eta 6. mailako Donostialdeko zenbait ikastetxetako 700 ikasle baino gehiagok hartu dute parte gaur goizean Sagüesen egin den ekitaldi solidarioan: Ekintza Ikastola, Axular Ikastola, Katalin Erauso, Bizarain Ikastola, Karmelo Ikastetxea, Zurriola Ikastola eta San Patricio. Laboral Kutxa, Streetmarketing Event Company eta UNICEF Euskal Herriko Batzordeak antolatuta, aurtengo haur lasterketa arrakastaz ospatu da, parte-hartzaileek burutu duten 1,5 kilometro inguruko joan-etorrian.

'Haurren alde bat egin ezazu' lasterketarako dortsala hartu ostean, korrika egin dute UNICEFek larrialde egoeran dauden haurrei laguntzeko programa eta proiektuetara laguntza bideratzeko, esate baterako, Matthew urakanaren ondorioz Haitin kaltetutako umeei edo Siria moduko herrialdeetatik alde egin behar izan duten errefuxiatu eta migratzaileen krisiaren ondorioz kaltetutakoei. Lasterketa solidarioan parte hartu duten haurrek gai horiek klasean jorratu dituzte urrian zehar, UNICEFen hezkuntza materialaren bitartez.

Lasterketa honen azken edizioa 2011.eko urriaren 28an egin zen eta, bost urte beranduago, UNICEF Euskal Herriko Batzordeak, Laboral Kutxa eta Streetmarketing Event Company-rekin batera, joko eta kirolek duten balioa azpimarratu nahi izan du, haur eta gazteen osasun, zoriontasun eta ongizaterako funtsezko elementu gidatzaile modura. Izan ere, bizitzeko gaitasun eta oinarrizko balioak erakusteaz gain, euren garapen fisiko eta psikosozialerako onuragarria da joko eta kirol ekimenetan parte hartzea. UNICEFen Garapenerako Kirol alorreko lana haur guztiek inguru seguru eta osasuntsuan jokorako duten eskubidearen defentsan oinarritzen da – Haurren Eskubideei buruzko Hitzarmeneko 31. artikuluan bilduta dagoen eskubidea da.

«Lasterketa solidario honek Gipuzkoako haurrei kirola egitea ahalbidetzen die, aldi berean taldean lan egin, besteenganako errespetua izan edo diziplina moduko baloreak ikasiz. Horrez gain, larrialdi egoeran bizi diren haurren arazoak klase orduetan lantzeko aukera izan dute», azpimarratu zuen Isidro Elezgarai, UNICEF Euskal Herriko Batzordeko Presidenteak. Laboral Kutxatik adierazi dutenez, «gure laguntza eskaintzen dugu haurrek haurrentzat egindako kausa zintzo eta beharrezko baten alde».

Temas

Recibe nuestras newsletters en tu email

Apúntate