Diario Vasco

Haziak banatuko ditu Haritzalde Elkarteak

Irudi eder hau hazi txiki batekin hasten da.
Irudi eder hau hazi txiki batekin hasten da. / DE LA HERA
  • Larunbat eta igandean haritz, arte, pago, astigar eta lizarren haziak banatuko dituzte Kontxako pasealekuan jarriko duten postuan

Urriaren 29an eta 30ean, larunbatean eta igandean, bertako zuhaitzen haziak banatuko ditu Haritzalde Naturzaleen Elkarteak, azken 19 urteetan egin duen bezala. Aurten haritz, arte, pago, astigar eta lizarren haziak izango dituzte, nahi duenak debalde jaso ditzan. Haziekin batera nola erein eta gero zuhaitzak nola landatu behar diren azaltzen duen eskuorria ere banatuko dute. Mahaien inguruan Euskal Herriko hainbat zuhaitz eta zuhaixkei buruzko informazioa biltzen duten panelak jarriko dituztela ere aurreratu dute.

Banaketa goizeko 10:30etatik arratsaldeko 19:30tara egingo da, Kontxako pasealekuan, Alderdi Ederren ondoan, lehenbiziko arrapalan. Euria edo haize fuertea ibiliz gero Gipuzkoa plazako arkupeetan jarriko direla adierazi dute.

«Ekintza honen bidez, gizarteari zuhaitzen garrantziaz ohartarazi nahi diogu. Era berean, natura jendeari hurbildu nahi diogu, gure landaretza ezagutzeko aukera emanez», diote ekimenaren berri emateko zabaldu duten oharrean. Gogoratu dute, halaber, azken urteotan 63.000 hazi inguru banatu dituztela, eta 12.000 herritar baino gehiago pasatu direla haien postuetatik.

Temas

Recibe nuestras newsletters en tu email

Apúntate