Diario Vasco

Ate irekiak igande honetan Altzako geltokian

Altzako geltoki berria.
Altzako geltoki berria.
  • Euskotrenek antolatu duen jarduerari esker, herritarrek dohainik egin ahal izango dute joan-etorriko bidaia Altza-Usurbil ibilbide osoan

Euskotrenek ate irekiko jardunaldia egingo du igande honetan, urriaren 9an, Donostian dagoen Altzako geltoki berrian (Topoaren linea, Lasarte-Hendaia)

Herritarrek eta Altzako geltokiaren erabiltzaile guztiek dohainik egin ahal izango dute joan-etorriko bidaia Altza-Usurbil ibilbide osoan igandean, eguneko azken zerbitzua amaitu arte. Horretarako, goizeko lehenbiziko ordutik, Altzako geltokira hurbiltzen diren pertsona guztiek Usurbileraino joateko eta itzultzeko titulua jasoko dute.

Ate irekiko jardunaldiaren helburua, Altzako biztanleek geltoki berria eta Euskotrenek geltoki horretatik eskaintzen dituen Topoaren zerbitzuak ezagutzea da. Geltokia Topoaren zerbitzu komertzialaren barruan geratu zen joan den 2016ko irailaren 12an, neguko ordutegiak indarrean sartu zirenean, hobekuntza handia eragin du zerbitzuaren maiztasunean, Topoan zein Kostaldeko linean.

Gainera, geltokira doazen pertsona guztiek, Euskotrenen Burdinbidearen Euskal Museoaren bildumako Trevor Roweren Erakusketa ikusteko aukera izango dute. Erakusketa hilabetez egongo da Altzan. Trevor Rowe britainiarrak 1952 eta 1968 artean Iberiar penintsulan hartutako argazki historiko bilduma baliotsua da, 2014an Azpeitiko Burdinbidearen Euskal Museoak berreskuratua, Museoaren Adiskideen Elkartearekin lankidetzan.

Denis Trevor Rowe Britainia Handiko tren zale eta tren alorreko argazkilari garrantzitsuenetakoa da. Trenaren munduarekiko duen zaletasunak mundu erditik eraman du, lurrun lokomotora zaharrenen, trenbide estuko tren bitxienen eta antzinako tranbien bila.

Bere bidaien emaitza hainbat argitalpenetan geratu da. Historiagileek eta tren zaleek bere argazkietako batzuk ondo baino hobeto ezagutzen dituzten arren, bilduma hau osatzen duten irudietako asko guztiz ezezagunak, argitaratu gabeak, ziren 2014ra arte.

Temas

Recibe nuestras newsletters en tu email

Apúntate