Diario Vasco

Itzulpengintza, bere egunean golardatua

Etxepare-Laboral Kutxa Itzulpen Sariko lehenengo edizioko golardatuak.
Etxepare-Laboral Kutxa Itzulpen Sariko lehenengo edizioko golardatuak. / LOBO ALTUNA
  • Etxepare-Laboral Kutxa II. Itzulpen Saria ostiral honetan banatuko da, Donostiako Tabakaleran eguerdiko 12:00etan

Etxepare-Laboral Kutxa II. Itzulpen Saria ostiral honetan banatuko da, irailaren 30ean, Itzultzaileen Nazioarteko Egunarekin bat eginez, eta irabazlea nor izan den ekitaldian bertan jakinaraziko dute. Ekitaldia Etxepare Euskal Institutuaren egoitzan izango da, Donostiako Tabakaleran, eguerdiko 12:00etan.

Etxepare Euskal Institutuak eta Laboral Kutxak jatorriz euskaraz idatzi eta argitaratutako literatur lan baten itzulpen lan bat saritzeko asmoz sortu zuten saria iaz, euskaraz idatzitako literaturaren itzulpengintza eta argitaratzea euskal eremutik kanpo sustatzeko asmoz.

Erakundeok jakinarazi dutenez, itzulpenaren kalitatea bera eta argitaletxearen sustapen plangintza aintzat hartu ditu epaimahaiak erabakia hartzerakoan; hori dela eta, 4.000 euroko saria argitaletxeak eta itzultzaileak partekatuko dute, erdibana. Gainera, 2.000 euro arteko laguntza jasoko dute onuradunek, sari banaketara etorri ahal izateko nahiz argitalpenaren herrialdean sustapen lanarekin jarraitzeko.

Bertan izango dira, bai saria jasoko duen itzultzailea, bai itzulitako euskarazko jatorrizko lanaren idazlea. Gainera, irakurketa bat eskainiko dute bi hizkuntzetan.

Temas

Recibe nuestras newsletters en tu email

Apúntate