Diario Vasco

Nik jolastu besterik ez dut nahi

vídeo

'Ama, aita, jolastu nahi dut!' kanpaina asteazken honetan aurkeztu da Donostian.

  • 'Ama, aita, jolastu nahi dut' lelopean, Donostia Kirolak komunikazio kanpaina bat diseinatu du, Donostiako Eskola Kirolak dituen ezaugarriak eta helburuei buruz gurasoei informatzeko

'Ama, aita, jolastu nahi dut' lelopean, Donostia Kirolak komunikazio kanpaina bat diseinatu du, Donostiako Eskola Kirolak dituen ezaugarriak eta helburuei buruz gurasoei informatzeko; eta baita lehiaketa hauetan jokaerak egokiak mantentzeko garrantziaz kontzientziatzeko ere, bere helburu hezigarriak indartzeko.

Leloak kanpainaren ideia laburtzen du: «eskola kirolak adin hauetan joko bat izan behar du, joko hezigarri bat, zenbait kirol modalitateak ezagutu eta bere praktika bultzatzeaz gain, bestelako baloreak transmititzea ere lortzen duen jokoa».

Esaldi honek ere, jarduera hauetako «benetako protagonistak umeak direla argi utzi nahi du, eta kirola presiorik gabe egin nahi dutela, jarduera hauetaz gozatu behar eta nahi dutelako».

Horregatik, umeek beraiek dira bere gurasoei zuzentzen direnak eta zenbait mezuren bidez eskerrak ematen dizkiete jarrera egokiak izateagatik, bi taldeak txalotzeagatik, bere entrenatzailearen lana ez egiteagatik, arbitroen erabakiak errespetatzeagatik, irabazi duten galdetu ordez, zer moduz ibili diren galdetzeagatik, eta, azken finean, 'Ama, Aita, eskerrik asko: Kirola eginez gozatzeko aukera emateagatik' esan nahi dute.

Komunikazio kanpainak zenbait euskarri erabiliko ditu mezu hauek helarazteko. Ikastetxe guztietan, eskolaume hauen gurasoei zuzendutako triptikoak banatuko dira eta mezu hauek kartelak ere jarriko dira. Gainera, benjamin eta alebin mailetako lehiaketak antolatzen diren udal instalazio guztietan panel batzuk jarriko dira, non mezu hauek azaltzeaz gain, jardueretako egutegiei buruzko informazioa jarriko den eta baita adin hauei egokitutako kirol ezberdinen arautegien berri ere emango da.

Temas