Diario Vasco

Hizkuntzen jardunaldia Deustuko Unibertsitatean

Pasaden urteko hizkuntzen jardunaldia.
Pasaden urteko hizkuntzen jardunaldia.
  • Donostiako campusean informazio standak jarriko dira hizkuntza bakoitzeko ikastaroetarako: euskara, ingelesa, frantsesa, alemana, italiera, mandarin txinera eta gaztelania

Asteazken honetan, irailak 14, Deustuko informazio jardunaldia izango da Deustuko Unibertsitatearen Donostiako campusean, hizkuntzen inguruko eskaintzari buruzkoa, ikasleentzat eta jendearentzat oro har. Campusetara hurbiltzen direnek informazioko standak bisitatuko dituzte, 10:00etatik 14:00etara, eskaintzen den hizkuntza bakoitzerako bat: euskara, ingelesa, frantsesa, alemana, italiera, mandarin txinera eta gaztelania atzerritarrentzat. Irakasle adituek erantzungo dituzte zalantzak.

Hizkuntza Zentroa (lehengo Hizkuntzen Institutua) 1962-1963 ikasturtean sortu zen, Donostiako campuseko ikasleen hizkuntza prestakuntzaren premiei erantzun ahal izateko. Ordutik, unibertsitateko elkartearentzako eta kanpoko beste zenbait eremutako pertsonentzako ikastaroak ematen dira. Zentroaren asmoa da «hizkuntzen etengabeko ikaskuntza sustatu, indartu, zabaldu eta dibertsifikatzea, ikasleak unibertsitatean ematen dituen urteetan; horretarako, hizkuntzak ikasteko erritmoak gradu eta graduondoetako ikasketen prestakuntzako premietara egokitzen dira». Gaur egun, Unibertsitateko egutegiari begira egokitutako eta diseinatutako hizkuntza ikastaroak eskaintzen dira, Unibertsitateko ikasketekin bateragarriak diren orduetan.

Era berean, «gure inguruneko premia berriei erantzuteko», euskarako, ingeleseko, alemaneko, italierako, mandarin txinerako, atzerritarrentzako espainierako ikastaro orokorrak emateaz gainera (beste batzuk ere bai, ikaslearen eskariaren arabera), azterketa ofizialak egiteko ikastaroak ere ematen dira, bai eta xede berezietarako hizkuntzen ikastaro modularrak ere, lanbide esparru zehatzetara egokitutako programen bidez. Gainera, urte osoko hizkuntza egonaldiak eskaintzen dira, ingelesez eta frantsesez.

Deustuko Unibertsitatean atzerriko hainbat azterketa ofizial egin daitezke: Donostiako campusean, ingeleseko Cambridgeko azterketak, euskarakoak eta txinerakoak (HSK); eta Bilboko campusean; Goethe-Institut-ekoak (alemaniera) ere bai. Zentroak HABEk (Eusko Jaurlaritza) homologatutako euskaltegia ere badu, azterketa ofizialak prestatzeko eta egiteko.

Temas