Diario Vasco

Donostiako Udalak TAO sistema Egia guztira zabalduko du

TAO makina bat, Egian.
TAO makina bat, Egian. / LUSA
  • Bertakoek plazen %80an aparkatu ahal izango dute

Donostiako Udalak, hurrengo hilabetetan, TAO sistema zabalduko du Egiako auzo osora. Auzoak 1.500 aparkaleku izango ditu eta horietako %80a bertakoentzat izango da. Sistema honen aurreikusitako urteko kostua 250.000 eurotakoa izango da.

Egun, Udalak Egia auzoko behealdean bakarrik dauka TAO sistema martxan, hau da, Atotxan, Egiako aldapa eta Tejeria kaleko bi zati.

Mugikortasuneko eta Garraioko zinegotzi Pilar Aranak adierazi du «neurri honi esker, auzotarrek Udalari egindako eskakizunari erantzuna ematen zaiola, bertakoentzako lehentasuna emanez».

Bestalde, Aranak azpimarratu du «TAO zerbitzua auzo guztira zabaltzeak balio izango duela orain arte dagoen aparkaleku gabeziari konponbide bat emateko».

Zinegotziak azaldu du «TAO sistemak ekidituko duela kanpoko gidariek, hau da, hirigunean ala beste auzoetan lan egiten dutenek, egun osoan zehar Egian kotxea aparkatua izan dezaten».

Gaur egun, Egian kotxea uzten duten %68a auzotik kanpoko gidariak dira eta %32a bertakoak.

Zabalkuntza

Donostiako Udalak aurreikusten du 2017ko erdialderako TAO sistema Egiako auzo osora zabalduko duela. Honi esker, guztira 1.500 plaza izango dira auzoan, bertakoentzat 532, TAO berdea 753, 175 TAO komertziala eta 40 zama lanetarako.

Temas