Diario Vasco

Deustuko Unibertsitateak ongi etorria egin die ikasle berriei Donostian

Ikasle berriak Deustoko Unibertistateko Donostiako campusean.
Ikasle berriak Deustoko Unibertistateko Donostiako campusean.
  • 2016-2017 ikasturtearen hasiera ofiziala datorren ostegunean, irailak 15, izango da

Deustuko Unibertsitateak harrera egingo die ikasturte honetako ikasle berriei. Donostiako eta Bilboko campusetan, guztira 1.800 ikasle berri izango dira aurten. Harrera egunak joan den irailaren 1ean hasi ziren Donostian eta astearte honetan bukatuko dira. Egun hauetan, gradu bakoitzaren inguruko aurkezpenak egin dira: helburuak, metodologia, gaitasunak… Halaber, ikasle berriei Unibertsitateak eskaintzen dizkien zerbitzuen berri eman zaie, Unibertsitateki kontatzen dutenaren arabera.

Harrerako jardunaldi horiek emango diote hasiera 2016-2017 ikasturte berriari. Hala ere, ikasturtearen hasiera ofiziala datorren ostegunean, irailaren 15, izango da, Bilboko campusean. Ekitaldiaren buru izango dira Iñigo Urkullu lehendakaria eta José María Guibert Errektorea.

Donostiako campusak graduko eta gradu bikoitzetako hamaika titulazio eskaintzen ditu ikasturte berri honetan. Horietan, 400 ikasle berri baino gehiago hasiko dira. Gainera, nazioarteko 300 ikasle inguru hurbilduko dira Donostiara. Titulazio hauek egin ahal izango dira ikasturte honetan Donostiako campusean: Enpresen Administrazioa eta Zuzendaritza (EAZ), Enpresen Administrazioa eta Zuzendaritza + International Management Skills, Lehen Hezkuntza, Turismoa, Gizarte Lana, Komunikazioa, EAZ + Informatikako Ingeniaritza, EAZ+ Zuzenbidea, Zuzenbidea + Komunikazioa, Jarduera Fisikoaren eta Kirolaren Zientziak + Lehen Hezkuntza, eta Gizarte Hezkuntza + Gizarte Lana.