ANTZUOLA. DV. Jexusen Jazpana musika taldeak alaituko du San Martzialgo giroa gaur eguerdian eta arratsaldean. Lizarragako jaietako bigarren eguna da eta egun osorako egitaraua prestatu dute auzoan: goizeko hamaiketan, egunsentikoa txistulariekin; hamaika eta erdietan, txirrindulari igoeraren irteera; eguerdiko hamabietan, meza San Martzialgo ermitan, Antzuolako abesbatzak kantatuko duelarik; meza ondoren, salda eta luntxa jubilatuentzat eta Jexusen Jazpana taldearen lehen saioa; ordu batean, txirrindulari igoeraren sari banaketa eta dantzariak; arratsaldeko bostetan, erromeria Jexusen Jazpana taldearekin; eta iluntzeko bederatzietan, txeflero jaurtiketa eta jaien amaiera.
Pilota
Aitor Mendizabalek Elgetako lau t'erdiko txapelketako finala jokatuko du Onsaloren kontra gaur goizeko hamabiak laurden gutxiagotatik aurrera. ETB1ek zuzenean emango du neurketa.
