ALBIZTUR. DV. Gaur ostirala, iluntzeko 20:30etan Herri Batzar bat ospatuko da Albizturgo udaletxean. Urte bete bada jada Agenda 21 prozesuaren baitan Udalak herritarren partehartzearekin sortutako ekintza plana onartu zuela eta bertan jasotako ekintzen gaur egungo egoeraren berri emango da batzarrean. 2006an zer egin den, zer ez den egin, zergatik... jakin ahal izango dute herritarrek eta datorren urteari begira zein gaiei heldu behar zaien eztabaidatzeko.
KZgunea
Hilabete honetan Albizturgo KZgunean 'Jarraitu zure kirol gustukoena' eta 'Kontratatu zure asegurua dira' mintegiak emango dira. Bertan parte hartzeko Tolosako KZgunean izen eman behar dute, 943 65 37 20 telefonoan (Ainara). Maiatzeko mintegiak arratsaldeko ordutegian izango dira, 18:00etatik 19:00etara.
