IRUN. DV. Kandido Uranga aktoreak Henry Bengoa inventarium antzezlana aurkeztuko du gaur, 20:00etan, Irungo Euskal Kultur Taldean. Bernardo Atxagak idatzitako lana ointarritzat hartuta, Urangak istorioa egokitu du antzezlan gisa aurkeztu ahal izateko eta gaur arratsaldeko emanaldian irudiak eta musika proiektatuko ditu tarteka.
Aktoreak berak honela deskribatzen du obra: «Ihesi dabilen gizon baten istorioa da. Ihesi dabil eta bere buruaren bila. Adiskiderik ez du hemen eta Hanburgora joana da. Eta halako batean esaten du Atxagak: alferrik da bidaia; hemen daukazun arazoa izango duzu han ere». Kandido Urangak ibilbide luze eta oparoa du aktore gisa eta lan asko egin ditu zinean eta telebistan
