AZKOITIA. DV. Lanbide Heziketa Ekintzailea lemapean, aurten ere, bihar ostirala, Ekintzaile Eguna ospatuko dute Urola Ikastolan. Ekitaldi hau, Lanbide Heziketako Berrikuntza Zentroaren (Tknika) laguntzaz antolatzen da honako ekintzak bilduko dituelarik: norberaren enpresa sortzen laguntzen duen Urratsbat proiektuaren aurkezpena; ekintzailetza inguruko proiekzioa; hiru enpresarik izandako esperientzia azalduko dute,e ta aurreko astetan, 'enpresa proiektu' baten inguruan ikasleen artean egin den lehiaketaren sari banaketa
Urtean zehar egiten diren beste zenbait jarduerekin batera (hitzaldiak, ikastaroak...), oraingoan ere Lanbide Heziketako ikasleen artean, ikasle ekintzaileak prestatu eta bultzatzea da helburua, lan-merkatuan murgiltzeko garaia iristen zaienean, ekimeneko pertsonak izan daitezen, bai bere kabuz hasiko balira, bai besteren kontura, baita eguneroko bizitzan ere.
