Partidu estua izan zuen Orioko Tabernak taldeak, baina azkenean garaipena lortu, 3-2 Iturriondo taldearen aurka, erritmo handiz eta ondo jokatutako norgehiagoka baten ondoren. Lehen zatia hutsean amaitu bazen ere aukerak bi aldeak izan zituzten. Dena dela, bigarren zatiaren hasieran 1-0-ekoa lortu zuten etxekoek. Ondoren akats baten ondorioz, berdinketa. Dena dela, partiduaren bukaera aldera, beste bi gol sartzeko aukera izan zuten eta partidua erabakita utzi, nahiz eta 10 segunduren falta bigarren gola jaso. Golak, Atxega (2) eta Alberto Casadok sartu zituzten. Bestalde, Hirugarren maiako taldeak 4-0 galdu zuen Laskorain taldearen aurka.
