SEGURA. DV. Hainbat ekintzekin ospatuko dute aurten 20. urteurrena Tobera Musika Eskolan. Lehen ekintza urteurreneko oroigarria izango den bertsoa aukeratzea izango da, horretarako bertso lehiaketa antolatu delarik musika eskolako ikasle eta beren gurasoen artean.
Parte hartu nahi dutenek lau bertso aurkeztu beharko dituzte zortziko txikian otsailaren 23a baino lehen, eskolan bertan edota tobera-musika@terra.es posta elektronikora bidaliaz. Epaimahaia eskolako klaustroak osatuko du eta irabazleak bideokamera digital bat eskuratuko du saritan.
