ALKIZA. DV. Aiztondoko Zerbitzuen Mankomunitateak ikastaro ugari antolatu ditu 2007 urte hasierarako. Alkizan oraingoz bi ikastaro prestatu dira: kantu ikastaroa eta euskal dantza ikastaroa. Izen emateko edo informazio gehiagorako deitu 943693930 telefonora edo Aiztondoko Bulegora joan, Muñoa kalea 36 behea, Zizurkilen. Kantu ikastaroa urtarrilaren 26an hastea dago aurreikusita. Eskolak Alkizako Kultur Etxean izango dira hilabete bakoitzeko laugarren ostiralean, arratsaldeko 20:00etan. Euskal Dantza ikastaroa ere herriko Kultur Etxean emango da. Eskolak ostegunetan izango dira arratsaldeko 8etan.
