Euskal mitologian oinarritutako ipuinak Zegaman

Marimunduko, Tartalo aurrean duela./
Marimunduko, Tartalo aurrean duela.

Marimundukoren ipuin harrigarriak entzun ahal izango dira larunbat honetan Anduetza parketxean, bi emanalditan

Urtero bezala, Anduetza Parketxean Marimundukoren ipuinei ireki dizkiete ateak udazken honetan. Hitzordua azaroaren 18an da, larunbatean, eta bi saio izango dira: 16:30etan (lehen emanaldia) eta 18:00etan (bigarren emanaldia).

Euskal Herriko ipuin eta mitoetara gerturatuko dira entzuleak Marimunduko gonbidatuaren eskutik. Marimundukorena egiten duen Maitane Aizpurua Ataungo Jentilbaratza Kultur Elkarteko kidea da eta Joxe Miel Barandiaranek bildutako hainbat ipuin eta kontakizun harrigarri azalduko ditu. Hainbat pertsonai mitologiko etorriko dira Anduetza Parketxera Marimundukoren eskutik eta urtero bezala pertsonai berriren bat izango da.

Haurrei zuzendua badago ere, adin guztiko bisitariek primeran pasako dute kontakizun berezi hauek entzuten. Emanaldia euskaraz izango da eta aurrez izena ematea ezinbestekoa da (anduetza@gipuzkoamendizmendi.net edo 943 80 21 87 / 688 62 36 09 telefonoetan) . Prezioa: 2.50€

Temas

Euskera

Contenido Patrocinado

Fotos

Vídeos