Diario Vasco

Susanna Martinekin komiki-tailerra Intxaurrondon

Susanna Martinekin komiki-tailerra Intxaurrondon
  • Sorkuntza-prozesua, gidoia eta storyboarda jorratuko dira eta fanzine bat ere sortuko da talde-lana abiapuntu hartuta

KomikiLabea proiektuak komikiaren mundua esploratzea du xede, eta arte horrek jorratzen dituen ikuspegi ezberdinak ere aztertzen ditu; bai alde artistikoa eta sormenezkoa, bai zuzenean zein zeharka baliatzen duen lengoaia, edozer auzi eta gai jorratzeko ahalmena duen aldetik.

Tailerrak, konferentziak, eskola magistralak, erakusketak, emanaldiak eta tankerako jardueren bitartez, bi ildo nagusi landuko dira: bata fikzioarekin lotutakoa, horren zabala eta ezaguna den fantasiazko-generoa oinarri izanik; eta bestea ez-fikzioarekin erlazionatutakoa, pentsamendu kritikoa eta hausnarketa sustatuko duena, entseguarekin, kazetaritzarekin, dibulgazioarekin eta tankera horretako beste formatu batzuekin etengabeko elkarrizketan.

Susanna Martinen gaurko saioan, sorkuntza-prozesua, gidoia eta storyboarda jorratuko dira eta istorioen egituraketa eta bere kontaketaren oinarriak landuko dira. Azken ariketa modura, fanzine bat sortuko da talde-lana abiapuntua izanik.

Arratsaldeko seietatik bederatzietara izango da, dohainik, Intxaurrondo K.E.ko liburutegian. Aldez aurretik izen-ematea beharrezkoa da, 943 48 34 02 telefonoan. Gaztelaniaz egingo da.

Temas

Recibe nuestras newsletters en tu email

Apúntate