Diario Vasco

Mendizaleentzat ekintza mordoa Lodosan eta Vianan

Dhaulagiri espedizioko irudia.
Dhaulagiri espedizioko irudia.
  • Gregorio Ariz mendizaleak utzitako argazkiekin 'Nafarroako mendizaletasunaren' historia argazki-erakusketa burutuko da eta 'Dhaulagiri' espedizioaren bideoa proiektatuko da, besteak beste

'Oinez Gailurra' proiektua dela-eta Lodosan eta Vianan irailaren azken bi asteetan ekintza mordoa programatu dira.

Lehenik eta behin, Gregorio Ariz mendizaleak utzitako argazkiekin 'Nafarroako mendizaletasunaren historia' argazki-erakusketa burutuko da. Hau Lodosako Kultur Etxeko Erakusketa Aretoan bisitatu ahalko da astearte honetatik, irailak 20, larunbata arte, irilak 24, eta Vianako Kultur Etxean irailaren 26tik urriaren 1era.

Gregorio Ariz berak bi hitzaldi eskainiko ditu erakusketako gaiaren inguruan. Lodosako Kultur Etxeko 'Lantón' aretoan ostiral honetan, irialak 23, 19:00etan eta Vianako Navarro Villoslada aretoan, 19:00etan ere, astearte honetan, irailak 20. Hitzaldietan 'Dhaulagiri' espedizioaren inguruko bideoa proiektatuko da.

Azkenik, Erentzun eta Ibaialde Ikastolako familiekin batera irailaren 25ean, igandea, Lapoblación Haitzara (León Dormido) mendi irteera egingo da gailur hau babesteko. Mendi itzuli hau publiko guztientzako irteera izango da eta Gregorio Ariz-ek lagunduko gaitu.

Lodosako autobus geltokitik irtengo da goizeko 9:30etan eta Vianako El Hoyoko aparkalekutik 10:00etan. Auto partikularretan joango gara.