Amaiurko Gaztelua zenaren eta argia ikusi duten harresien gainean dagoen obeliskoak honela dio. Napar askatasunaren alde Amayurko Echarrian borroka egin zutenai betiko argia 1522. Nafarroako Euskara elkartea Amaiurren erresuma zaharreko independentzia defendatu zuten zaldunen, Frantziskotar Xabierren anaia Miguel horien artean, omenezko monumentu bat eraikitzea proposatzen hasi zen XIX mende amaieran. Proposamena 1920ko maiatzean bere egin zuen Nafarroako Monumentu Batzordeak. Zazpi metro eta erdiko obeliskoa, Almandozko marmol zuriarekin eginda, 1922ra arte ez zuten bukatu.

1931n, berriz, monumentua dinamitaz zartarazi zuten. Egun ikus daitekeena 1982an eginiko berreraikuntza da.