TOLOSA. DV. Orain dela aste bat, Batasunako kideak Tolosako kultur etxean egiten ari ziren batzarra Ertzaintzak eragotzi zuen. Gertakari honen aurrean, eragile desberdinek euren desadostasuna azaldu nahi izan dute. Hori dela eta, bihar, ostirala , konzentzariora deitu dute, 20:00etatik aurrera, Trianguloan, Eskubide zibil eta politikoen alde lelopean. Besteak beste, Mikel Uzkudunek, Jose Manuel Agirrek, Egoitz Goikoetxeak, Juanjo Ruizek, Josune Agirrezabalak eta Mikel Zubiriak adierazi dute egoeraren aurrean atxikimendua, beste hainbatekin batera.

«Gertaera hau larritzat jotzen dugu. Denok dugu iritzia adierazteko eskubidea eta Ertzaintzaren jarrera honen aurkako eraso zuzena da», adierazi zuten Tolosako Kultur Etxean eginiko prentsaurrekoan.